25 август көнне “Бердәм Россия” Бөтенроссия сәяси партитясенең җәмәгатьчелек кабул итү бүлеге тарафыннан оештырылган “Авыл китапханәләренә китаплар” китап укучылар декадасы кысаларында Иске Җөри авылы мәдәният йортында “Китап сөючеләр көне”нә багышланган  очрашу булып узды. Бу чарада Татарстан Дәүләт Советы депутаты, “Бердәм Россия”  Бөтенроссия сәяси партиясенең җәмәгатьчелекне кабул итү бүлеге җитәкчесе Камил Садриев, Теләче районы башлыгы Нәҗип Хаҗипов, муниципаль район башлыгы урынбасары Айрат Фәтхуллин, Татарстанның Халык шагыйре, Габдулла Тукай исемендәге премия лауреаты Газинур Морат, мәдәният, мәгариф хезмәткәрләре, һәм Иске Җөри авыл халкы катнашты. Бәйрәм барышында Баландыш, Казаклар, Шармыш авыл китапханәчеләренә озак еллар уңышлы эшләре һәм районының мәдәни үсешенә зур өлеш керткәннәре өчен Татарстан Республикасы Дәүләт Советы Рәисенең Рәхмәт хатлары тапшырылды. Шулай ук кунаклар Иске Җөри модель китапханәсендә булып, аның эшчәнлеге белән таныштылар һәм  китаплар бүләк иттеләр.

Әлеге матур чара район үзешчәннәре чыгышы белән тәмамланды.