Теләче Җирлекара китапханәсе тарафыннан Татарстанның халык язучысы, Г.Тукай исемендәге Дәүләт бүләге иясе, якташыбыз Фатих Хөснинең тууына 115 ел тулу уңаеннан "Фатих Хөсни укулары" дип исемләнгән әдәби марафонга старт бирелде. Февраль ае дәвамында районыбыз китапханәләрендә якташ язучыбызның тормыш юлы һәм иҗатына багышланган чаралар узачак. Олы Мишә авыл китапханәсендә әлеге марафон кысаларында әдәби кичә үткәрелде. Якташыбызның “Сипкелле малай” хикәясе сәхнәләштерелеп халыкка җиткерелде. Башка әсәрләреннән өзекләр укылды, викторина сорауларына җаваплар алынды. Тормыш юлы, иҗаты белән таныштырылды.